აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია, მინისტრის პირველ მოადგილე ემზარ კაკულიასთან ერთად სოხუმის უნივერისტეტის რექტორს თეა ჯუღელს შეხვდა.

სამუშაო შეხვედრაზე მხარეებმა სამინისტროსა და სოხუმის სახელმწიფო უნივერსიტეტს შორის თანამშრომლობის გაღრმავების პერსპექტივები განიხილეს.

განსაკუთრებული ყურადღება დაეთმო აფხაზეთიდან დევნილი ახალგაზრდებისთვის სასწავლო პროცესების ხელშეწყობის საკითხებს, უნივერსიტეტში მიმდინარე სიახლეებს, სამინისტროს მოქმედ პროგრამებსა და სამომავლოდ დაგეგმილ ინიციატივებს.

შეხვედრას ესწრებოდნენ სოხუმის სახელმწიფო უნივერსიტეტის რექტორის პირველი მოადგილე რომეო გალდავა და უნივერსიტეტის ადმინისტრაციის უფროსი დავით ჯალაღონია.