შავი ზღვის დაცვის საერთაშორისო დღის ფარგლებში, აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე სსიპ ვოვა ვეკუას სახელობის აფხაზეთის №3 საჯარო სკოლას ეწვია.

ღონისძიების ფარგლებში სამინისტროს თანამშრომლებმა მოსწავლეებისთვის წარმოადგინეს თემატური სლაიდ-შოუ და ჩაატარეს შემეცნებითი აქტივობები, სადაც ბავშვებმა შავი ზღვის დაცვის მნიშვნელობაზე საკუთარი იდეები და მოსაზრებები გააჟღერეს.

შეხვედრას ასევე ესწრებოდა აფხაზეთის ა/რ კულტურისა და სპორტის მინისტრის მოადგილე დავით მიქავა.