დევნილთა კომპაქტურ ჩასახლებებში ინფრასტრუქტურული საჭიროებების მოგვარების მიზნით, აფხაზეთის ავტონომიური რესპუბლიკის ბიუჯეტიდან 1 500 000 ლარი გამოიყო.

გადაწყვეტილება აფხაზეთის ავტონომიური რესპუბლიკის თავმჯდომარემ, გიორგი ჯინჭარაძემ მიიღო.

პროექტის ფარგლებში, დევნილთა კომპაქტურ ჩასახლებებში ძირითადად სახურავების გადახურვის, ფასადების რეაბილიტაციის, კომუნიკაციების მოწესრიგების და საერთო სარგებლობის სივრცეების კეთილმოწყობის სამუშაოები განხორციელდება.

ინფრასტრუქტურული სამუშაოები მიმდინარე წელს დაიწყება. საერთო ჯამში პროექტის ღირებულება 4 მილიონ ლარს მიაღწევს.