აფხაზეთის კულტურის, სპორტისა და ახალგაზრდულ საქმეთა სააგენტოსა და ინოვაციებისა და ტექნოლოგიების სააგენტოს შორის ურთიერთთანამშრომლობის მემორანდუმი გაფორმდა.

მხარეები, დევნილი მოზარდების მხარდაჭერისა და შემეცნებითი უნარების გაძლიერების მიზნით, დაგეგმავენ ერთობლივ საგანმანათლებლო კურსებს, შემეცნებით ტურებს, ბანაკებსა და სემინარებს, შესაძლებლობების ფარგლებში, დევნილი და ოკუპირებულ ტერიტორიაზე მცხოვრები მოზარდები მონაწილეობას მიიღებენ საქართველოს ინოვაციებისა და ტექნოლოგიების სააგენტოს მიერ ორგანიზებულ პროექტებში.