აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა, საკანონმდებლო და აღმასრულებელი ხელისუფლების წარმომადგენლებთან და სხვა ოფიციალურ პირებთან ერთად ქვეყნის ერთიანობისთვის ბრძოლაში დაღუპული გმირების ხსოვნას პატივი მიაგო და გმირთა მემორიალი გვირგვინით შეამკო.
ასევე გმირთა მემორიალთან დაღუპული გმირების ხსოვნას პატივი მიაგეს აფხაზეთის ა/რ უმაღლესი საბჭოს თავმჯდომარემ ჯემალ გამახარიამ, უმაღლესი საბჭოს დეპუტატებმა და ომის ვეტერანებმა.
1993 წლის 15-16 მარტს აფხაზეთში სეპარატისტებმა, დაქირავებულმა ბოევიკებმა და სადესანტო შენაერთებმა მდინარე გუმისთის გასწვრივ ფრონტის ხაზზე ფართომასშტაბიანი შეტევა დაიწყეს, თუმცა ქართულმა შეიარაღებულმა ძალებმა და არტილერიამ მოწინააღმდეგეს გამანადგურებელი დარტყმა მიაყენა და ათასობით მშვიდობიანი მოქალაქე გადაარჩინეს.