დღეს აფხაზური ლიტერატურისა და ისტორიოგრაფიის ფუძემდებლის დიმიტრი გულიას დაბადებიდან 151 წელი გავიდა.
ამ დღესთან დაკავშირებით აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა, აფხაზეთის განათლებისა და კულტურის მინისტრთან ერთად, თბილისში, აფხაზი მწერლის ძეგლი გვირგვინით შეამკო და მის ხსოვნას პატივი მიაგო.
დიმიტრი გულიას დიდი წვლილი მიუძღვის ქართული და აფხაზური საზოგადოებების დაახლოების საქმეში. მის სახელს უკავშირდება აფხაზური ანბანის შექმნა. გულიამ არაერთი მნიშვნელოვანი ქართული ნაწარმოები თარგმნა აფხაზურ ენაზე, მათ შორის, შოთა რუსთაველის ვეფხისტყაოსანი.