გუშინ გვიან ღამე, ორთაჭალაში, აფხაზეთიდან დევნილთა საცხოვრებელ კორპუსში აფეთქების შედეგად ერთი ადამიანი დაიღუპა, ოთხი კი დაშავდა.გარდაცვლილი 70 წლამდე მამაკაცია. დაშავებულები კი კლინიკაში არიან გადაყვანილები, მათგან ყველაზე პატარა 4 წლისაა.

შემთხვევის ადგილზე იმყოფებოდნენ  აფხაზეთის ა/რ მთავრობის თავმჯდომარე ლევან მგალობლიშვილი და  დევნილთა შრომის, ჯანმრთელობისა და სოციალური დაცვის მინისტრი მიხეილ სარჯველაძე,  

აფეთქების შედეგად დაშავებული პირები ლევან მგალობლიშვილმა და მიხეილ სარჯველაძემ  კლინიკაშიც მოინახულეს .  

"ჩემთვის ახლა ყველაზე მნიშვნელოვანი დაზარალებული მოსახლეობის დაბინავება და ქალაქის მერიასთან და ჯანდაცვის სამინისტროსთან ერთად ამისთვის ყველაფერს ვაკეთებთ"-აღნიშნა აფხაზეთის მთავრობის თავმჯდომარემ მედიასთან საუბარში.  

არსებული ინფორმაციით, აფეთქება შენობის მეოთხე სართულზე სავარაუდოდ, გაზის გაჟონვის შედეგად მოხდა. ჩამოინგრა საცხოვრებელი კორპუსის ფასადი და კედლები.