ლევან მგალობლიშვილის გადაწყვეტილებით, აფხაზეთიდან დროებით დევნილ 1500-მდე პირს საახალწლო ნობათი გადაეცა.
აფხაზეთის ჯანდაცვის მინისტრმა ლაშა ქარდავამ აფხაზეთის მთავრობის წევრებთან ერთად აფხაზეთიდან დროებით დევნილებს დამდეგი შობა-ახალი წელი მიულოცა და საახალწლო ნობათები გადასცა.
აფხაზეთის მთავრობის მხარდაჭერით საქართველოს მასშტაბით აფხაზეთიდან დროებით 1500-მდე დევნილ ოჯახს საახალწლო ნობათი და საინფორმაციო ბუკლეტი გადაეცათ, სადაც აფხაზეთის მთავრობის 2025 წლის სამოქმედო გეგმაა მოცემული.
ინიციატივის ფარგლებში, ნობათების გადაცემის პროცესში აფხაზეთის ა/რ ფინანსთა და ეკონომიკის მინისტრი ლაშა დოლბაძეც პირადად ჩაერთო და აბაშაში, ხობსა და სენაკში მცხოვრებ ოჯახებს, რომლებიც განსაკუთრებული საჭიროებებით გამოირჩევიან, თავად ესტუმრა, ახალი წელი მიულოცა და საახალწლო ნობათები გადასცა.