მუსიკისადმი სიყვარული ბავშვობიდან მოყვება და სხვა სფეროშიც ვერც წარმოედგინა თავი. სკოლის დამთავრების შემდეგ თეატრალური ინსტიტუტის მუსიკალური თეატრის სამსახიობო ფაკულტეტზე ჩააბარა, შემდგომ  მუსკომედიის თეატრში მუშაობდა, პარალელურად მღეროდა ბარებსა და კლუბებში. როგორც თავად ამბობს, მსმენელი და თაყვანისმცემელი მის მუსიკას მრავლად ყავდა, მაგრამ ცნობადი  და პოპულარული ,,ბრავო რექორდსის’’წარმატებული  პროექტით  გახდა. პროექტის ფარგლებში პირველი სოლო ალბომი ჩაწერა და სოლო კონცერტიც გამართა. 

სოხუმელ მომღერალს უკვე  თავისი ბენდი ყავს და გასვლითი კონცერტებიც აქვს ევროპის ქვეყნებში, თუმცა კოვიდვირუსით გამოწვეული პანდემიის გამო  შემოქმედებით ცხოვრებაში დროებითი პაუზა აქვს. 
წარმატებული  ხელოვანი ქალებს ურჩევს იყვნენ დამოუკიდებელი,  საყვარელ საქმეს ემსახურონ  და იყვნენ ყოველთვის აქტუალური.

,,იპოვეთ საყვარელი საქმე,  ამ საქმეში კი  უნდა გახდეთ შეუცვლელი და მუდმივად აქტუალური’’ – თამთა ცხვიტავა

თამთა ცხვიტავას  ოცნებაა სოლო კონცერტის  პარიზში გამართვა. განსაკუთრებით  კი, მშობლიურ სოხუმში კონცერტის ჩატარებაზე   ოცნებობს და სამშვიდობო გზავნილს აგზავნის ოკუპირებულ  აფხაზეთში.  ურჩევს იქ მცხოვრებ აფხაზებს, რომ შეინარჩუნონ თვითმყოფადობა და დაელოდონ ქართველებს, რომლებიც იქ აუცილებლად ჩავლენ.