აფხაზეთის ავტონომიური რესპუბლიკის მთავრობის წევრებმა გუმისთის ბრძოლების 33-ე წლისთავთან დაკავშირებით საკანონმდებლო და აღმასრულებელი ხელისუფლების წარმომადგენლებთან ერთად, საქართველოს ტერიტორიული მთლიანობისთვის ბრძოლაში დაღუპული გმირების ხსოვნას პატივი მიაგეს.

1993 წლის 15-16 მარტს აფხაზეთში სეპარატისტებმა და დაქირავებულმა ბოევიკებმა მდინარე გუმისთის ფრონტზე ფართომასშტაბიანი შეტევა დაიწყეს, თუმცა ქართულმა შეიარაღებულმა ძალებმა იგი მოიგერიეს და ათასობით მშვიდობიანი მოქალაქე გადაარჩინეს.