აფხაზეთის ა.რ მთავრობის თავმჯდომარე გიორგი ჯინჭარაძე საქართველოში ბულგარეთის რესპუბლიკის საგანგებო და სრულუფლებიან ელჩ ვესელინ ვალკანოვს შეხვდა.

შეხვედრაზე ისაუბრეს აფხაზეთიდან დევნილი მოსახლეობის ძირითად გამოწვევებზე.

გიორგი ჯინჭარაძემ დიპლომატს ოკუპირებულ აფხაზეთში არსებული ვითარება გააცნო და ყურადღება გაამახვილა ადამიანის ფუნდამენტური უფლებების დარღვევის ფაქტებზე.

მხარეებმა სამომავლო ურთიერთთანამშრომლობის გაღრმავების შესაძლებლობები განიხილეს.