აფხაზეთიდან დევნილ ქალბატონებს სამედიცინო ცენტრ “დიომედის” ზუგდიდის ფილიალში უფასო სამედიცინო გამოკვლევები ჩაუტარდათ.

გამოკვლევების მიმდინარეობას ადგილზე გაეცნენ აფხაზეთის ა.რ მთავრობის თავმჯდომარე გიორგი ჯინჭარაძე და ჯანმრთელობისა და სოციალური დაცვის მინისტრი ბესიკ კუსიდი.

აქციის ფარგლებში ჩატარებული უფასო კონსულტაციებითა და გამოკვლევებით ჯამში 50-მდე ბენეფიციარმა ისარგებლა.

პროცესს ასევე ესწრებოდნენ სამეგრელო-ზემო სვანეთის სახელმწიფო რწმუნებული დავით ვერავა, სამედიცინო ცენტრის გენერალური დირექტორი ნათია ფარცვანია და ადგილობრივი ხელისუფლების წარმომადგენლები.