სოხუმის დრამატულ თეატრში სასკოლო პროექტ „გმირის დღის“ ფარგლებში მოსწავლეთა თეატრალური წარმოდგენა გაიმართა, რომელიც გენერალ გიორგი მაზნიაშვილის ცხოვრებას ეძღვნებოდა.

წარმოდგენას აფხაზეთის ა/რ მთავრობის თავმჯდომარე გიორგი ჯინჭარაძე აფხაზეთის განათლებისა და კულტურის მინისტრ გიორგი ძაძამიასთან ერთად დაესწრო.

საგანმანათლებლო-შემეცნებითი პროექტი საქართველოს პარლამენტის ქალთა და ბავშვთა საკითხებზე მომუშავე კომისიის ინიციატივით ხორციელდება და მიზნად ისახავს ახალგაზრდებისთვის ეროვნული გმირების გაცნობას, ასევე პატრიოტული სულისკვეთების ამაღლებას.

ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები და სხვა მოწვეული სტუმრები ესწრებოდნენ.