ახალციხის სახელმწიფო უნივერსიტეტში აფხაზური ცენტრის „მესხი ახალგაზრდები ერთობისთვის“ 3 წლის იუბილესადმი მიძღვნილი ღონისძიება გაიმართა.

საიუბილეო ღონისძიების ერთ-ერთ მნიშვნელოვან ნაწილად წიგნის „ალექსანდრე შერვაშიძე“ პრეზენტაცია იქცა, რომელიც ცნობილი აფხაზი ხელოვანის ცხოვრებასა და შემოქმედებით გზას ასახავს.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, საქართველოს საკანონმდებლო ხელისუფლების, აფხაზეთის მთავრობისა და ადგილობრივი თვითმმართველობის წარმომადგენლები.