აფხაზეთის მთავრობა შობა-ახალი წლის დღესასწაულებთან დაკავშირებით, ქვეყნის მასშტაბით, აფხაზეთიდან დევნილ სოციალურად დაუცველ, მრავალშვილიან 2000-ზე მეტ ოჯახს საახალწლო ნობათს გადასცემს.

მთავრობის თავმჯდომარემ გიორგი ჯინჭარაძემ აფხაზეთის იძულებით გადაადგილებულ პირთა მინისტრთან დავით ფაცაციასთან ერთად თბილისში, დიდუბის რაიონში საახალწლო აქციაში პირადად მიიღო მონაწილეობა.

ნობათების აქცია აფხაზეთის ავტონომიური რესპუბლიკის მთავრობის ინიციატივით, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებითა და ქალაქ თბილისის მერიის მხარდაჭერით იმართება.