თბილისში ილია ჭავჭავაძის გამზირზე, გალაკტიონის ძეგლის მიმდებარედ „აფხაზეთის საშობაო სოფელი“ გაიხსნა.

წინასაახალწლო  გამოფენა-გაყიდვაზე აფხაზეთიდან დევნილმა მეწარმეებმა საკუთარი ნამუშევრები წარმოადგინეს. აქ ნახავთ ყველაფერს: დახვეწილი ხელნაკეთი აქსესუარებიდან დაწყებული, ტრადიციული საგემოვნო თვისებებით გამორჩეული ნუგბარით დასრულებული.

გახსნის დღეს, გამოფენას აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე და თბილისის საკრებულოს თავმჯდომარის მოადგილე თინათინ ნიბლოშვილი ეწვივნენ.  დაათვალიერეს მეწარმეების ნამუშევრები და კიდევ ერთხელ გაუსვეს ხაზი მსგავსი ინიციატივების მნიშვნელობას დევნილი მოსახლეობის ეკონომიკური გაძლიერებისთვის.