დევნილთა სააგენტო იძულებით გადაადგილებულ 800-მდე ოჯახს საცხოვრებლით უზრუნველყოფს.

დევნილ ოჯახებს ექვსთვიანი ვადა ეძლევათ, რათა საქართველოს ნებისმიერ რეგიონში თავად შეარჩიონ მათთვის სასურველი საცხოვრებელი. სახლის შესყიდვისთვის გამოყოფილი თანხა ოჯახის წევრთა რაოდენობის მიხედვით განისაზღვრება.

მხოლოდ 2025 წელს, სააგენტომ უკვე 3000-მდე დევნილი ოჯახი უზრუნველყო საცხოვრებლით.

სოფლად სახლის შესყიდვის პროგრამა 2014 წლიდან ხორციელდება და ამ დროის განმავლობაში სახელმწიფომ 13 000-ზე მეტი დევნილი ოჯახი დაასახლა.