აფხაზეთის კულტურის, სპორტის და ახალგაზრდულ საქმეთა სააგენტოს ორგანიზებით და აფხაზეთის ავტონომიური რესპუბლიკის მთავრობის მხარდაჭერით, პროგრამის „სიყვარულით თქვენთვის“ ფარგლებში აფხაზეთიდან დევნილი ბავშვებისთვის წინასაახალწლო ღონისძიებები მიმდინარეობს.

საახალწლო პროგრამის ფარგლებში აფხაზეთიდან დევნილი განსაკუთრებული საჭიროების მქონე ბავშვებისთვის სხვადასხვა გასართობი და შემეცნებითი აქტივობები მოეწყო.

პროექტი 28 დეკემბრის ჩათვლით ქვეყნის მასშტაბით 5 ქალაქში თბილისში, ბორჯომში, სენაკში, ზუგდიდსა და ბათუმში გაიმართება და მასში 1000-მდე აფხაზეთიდან დევნილი ბავშვი მიიღებს მონაწილეობას.