2025 წლის საუკეთესო სპორტსმენის დაჯილდოების ცერემონია გაიმართა, რომელსაც აფხაზეთის ა/რ მთავრობის თავმჯდომარე გიორგი ჯინჭარაძე დაესწრო.

საუკეთესო პარასპორტსმენი მამაკაცის ნომინაციაში გამარჯვებული აფხაზეთიდან დევნილი გიორგი ქალდანი გახდა.

დაჯილდოების ცერემონიაზე სიტყვით საქართველოს პრემიერ-მინისტრი ირაკლი კობახიძე გამოვიდა, რომელმაც სპორტსმენებს განსაკუთრებული მადლობა გადაუხადა და წლის საუკეთესო მამაკაცი სპორტსმენის ნომინაციაში გამარჯვებული მოფარიკავე სანდრო ბაზაძე დააჯილდოვა.

სპორტსმენების ისტორიულ შედეგებზე ისაუბრეს და შემდგომი წარმატებები უსურვეს საქართველოს პრეზიდენტმა მიხეილ ყაველაშვილმა, პარლამენტის თავმჯდომარე შალვა პაპუაშვილმა და სპორტის მინისტრმა შალვა გოგოლაძემ.

ჯილდოები ასევე გადაეცათ: წლის საუკეთესო ქალი სპორტსმენი - ეთერ ლიპარტელიანი, წლის საუკეთესო ნაკრები გუნდი - საქართველოს ძიუდოს ეროვნული ნაკრები, წლის საუკეთესო გუნდი სათამაშო სპორტულ სახეობებში - საქართველოს კალათბურთის ეროვნული ნაკრები, წლის საუკეთესო სპორტსმენი არაოლიმპიურ სახეობებში - თემურ სამხარაძე, წლის საუკეთესო პარასპორტსმენი ქალი - ანა ჯაფარიძე, წლის საუკეთესო ახალგაზრდა სპორტსმენი - ვახტანგ ლოლუა.

სპორტსმენების დაჯილდოების ღონისძიებას თბილისის მერი კახა კალაძე, საქართველოს აღმასრულებელი და საკანონმდებლო ხელისუფლების წევრები და სპორტული საზოგადოების წარმომადგენლები ესწრებოდნენ.