აფხაზეთის ავტონომიური რესპუბლიკის განათლებისა და კულტურის სამინისტროში ნიკოლოზ თაბუკაშვილის სახელობის პრემიის დაჯილდოების ცერემონია ჩატარდა.

ღონისძიებაზე გამოვლინდა ნიკოლოზ თაბუკაშვილის პრემიის სამი გამარჯვებული, რომელთაც სახვითი ხელოვნების სფეროში შეტანილი განსაკუთრებული წვლილისთვის გამარჯვებულის დიპლომები და ფულადი ჯილდოები გადაეცათ.

ხელოვანების დაჯილდოვება მიზნად ისახავს კულტურის სფეროში მოღვაწე აფხაზეთიდან დევნილი ხელოვანების მხარდაჭერასა და მათი შემოქმედებითი საქმიანობის წახალისებას.

ნიკოლოზ თაბუკაშვილის სახელობის პრემიის დაჯილდოებით კიდევ ერთხელ გაესვა ხაზი აფხაზეთიდან დევნილი ხელოვანების როლს ქართული კულტურული მეხსიერების შენარჩუნებაში.