აფხაზეთის კულტურის, სპორტისა და ახალგაზრდულ საქმეთა სააგენტოს მხარდაჭერით გაიმართა საქართველოს დამსახურებული მწვრთნელის ზურაბ ქალდანის სახელობის თავისუფალი ჭიდაობის ტურნირის ფინალური შეხვედრა.

შეჯიბრი მოიცავდა ათ სხვადასხვა წონით კატეგორიას და მისი მიზანი იყო თავისუფალი ჭიდაობის განვითარების მხარდაჭერა, სპორტის პოპულარიზაცია და პერსპექტიული ახალგაზრდა მოჭიდავეების გამოვლენა.

საპრიზო ადგილზე გასული სპორტსმენები დაჯილდოვდნენ შესაბამისი ხარისხის სიგელებითა და მედლებით.

ტურნირის საუკეთესო მონაწილეს კი გადაეცა საქართველოს დამსახურებული მწვრთნელის ზურაბ ქალდანის სახელობის თასი.