“სასწაულის მოლოდინში“ – ეს არის ამბავი ქვეყნის უახლესი ისტორიის ყველაზე მძიმე წლებზე, წლებზე რომელმაც საქართველოს მოქალაქეებს  დევნილობა, განსაცდელი და ტკივილი მოუტანა.

32 წლის შემდეგ, კიდევ ერთხელ, ამ  პერიოდის გადმოსაცემად   რეჟისორმა გიორგი კაშიამ , გურამ ოდიშარიას სცენარის მიხედვით  მაყურებელს   ახალი სპექტაკლი  დაუდგა, რომელშიც აფხაზეთის ომის თანმდევი უმძიმესი ისტორიები მსახიობებმა მაყურებლის თვალწინ გააცოცხლეს. 

ერთმოქმედებიანი სპექტაკლი  დაკარგულ და შეწყვეტილ ურთიერთობებზე და ამ კავშირების აღდგენაზე გვიამბობს, სადაც ნაჩვენებია ორი 80 წელს მიღწეული  ქართველი და აფხაზი მეგობრის შეხვედრა სოხუმში.