"კაცი, რომელიც დააკლდა ქალაქს" - ქართველი პოეტის, ლიტერატორისა და მთარგმნელის მიხეილ ქვლივიძის 100 წლის იუბილესადმი მიძღვნილი საღამო ნოდარ დუმბაძის სახელობის მოზარდ მაყურებელთა თეატრში გაიმართა.

ღონისძიების მონაწილეებმა გაიხსენეს გარდაცვლილი პოეტის ცხოვრების გზა, მოღვაწეობა და მრავალფეროვანი შემოქმედება. ისაუბრეს მის პოეტურ სტილზე, რომელიც სავსეა სამშობლოს სიყვარულითა და ადამიანური სითბოთი.