სპორტის უნივერსიტეტისა და აფხაზეთიდან იძულებით გადაადგილებულთა პირთა საერთაშორისო ასოციაციის „გზა შინისაკენ“ ორგანიზებით საფეხბურთო ტურნირი გაიმართა.

ტურნირი ორი დღის განმავლობაში მიმდინარეობდა და მასში მონაწილეობა 8 სტუდენტურმა გუნდმა მიიღო.

ფინალში ერთმანეთს სოხუმის სახელმწიფო უნივერსიტეტისა და სპორტის უნივერსიტეტის გუნდები დაუპირისპირდნენ, სადაც ღირსეული გამარჯვება სოხუმის უნივერსიტეტის გუნდმა მოიპოვა. 

ღონისძიების მიზანია საქართველოში მასობრივი სპორტისა და მინი-ფეხბურთის განვითარება, ახალგაზრდებში ჯანსაღი ცხოვრების წესის პოპულარიზაცია, ასევე სხვადასხვა ქვეყნებში იძულებით გადაადგილებული ადამიანების გაერთიანება და მათი უფლებებისა და ინტერესების მხარდაჭერა.