"სოხუმის დინამოს" ქალთა გუნდს აფხაზეთის ა/რ განათლებისა და კულტურის მინისტრი ბექა ღვაჩლიანი და აფხაზეთის უმაღლესი საბჭოს თავმჯდომარე ჯემალ გამახარია შეხვდნენ. მათ საქართველოს ეროვნულ ლიგა 2-ზე გამარჯვებული ფეხბურთელები დააჯილდოვეს.

ჩემპიონატის საუკეთესო ბომბარდირი აფხაზეთიდან დევნილი ლიზი კაკულია გახდა, რომელმაც 26 მატჩში 106 გოლი გაიტანა.

საქართველოს ქალთა ეროვნულ ლიგა 2-ის გათამაშებაში 14 გუნდი მონაწილეობდა, სადაც ჩატარებული 26 მატჩიდან "დინამო სოხუმმა" 21 შეხვედრა გამარჯვებით დაასრულა.