აფხაზეთის ფინანსთა და ეკონომიკის მინისტრი თენგიზ ნასარიძე სოხუმის უნივერსიტეტის ბიზნესის ფაკულტეტის სტუდენტებს შეხვდა.

სამინისტროსა და უნივერსიტეტს შორის გაფორმებული მემორანდუმის ფარგლებში, 10-მდე სტუდენტს საშუალება მიეცემათ სამინისტროში გაიარონ ორთვიანი პრაქტიკა და ჩაერთონ სამინისტროს სხვადასხვა დეპარტამენტის საქმიანობაში.

პროექტის მიზანი ახალგაზრდების პროფესიული განვითარების ხელშეწყობაა.

შეხვედრას ასევე ესწრებოდნენ ფინანსთა და ეკონომიკის მინისტრის პირველი მოადგილე ლევან თევზაია, ასევე საბიუჯეტო, სახაზინო და საფინანსო დეპარტამენტის ხელმძღვანელები.