ახალგაზრდულ საგანმანათლებლო-კულტურულ პროექტზე „მოგზაურობა აფხაზეთში“ მონაწილეთა რეგისტრაცია გრძელდება.

 პროგრამა მოიცავს ინტერაქტიულ აქტივობას - „ასოციაციების რუკა”, რომელიც ახალგაზრდებს საკუთარი მოსაზრებების გაზიარებისა და განხილვაში ჩართვის შესაძლებლობას მისცემს.

 პროექტში მონაწილეობა შეუძლიათ აფხაზეთიდან დევნილის სტატუსის მქონე პირებს, ასევე - აფხაზეთის ისტორიითა და კულტურით დაინტერესებულ 17-დან 29 წლის ახალგაზრდებს.

 რეგისტრაციის ბოლო თარიღია 2026 წლის 20 ნოემბერი. უშუალოდ პროექტი კი 30 ნოემბერს ჩატარდება.

 „მოგზაურობა აფხაზეთში“ სსიპ ახალგაზრდობის სააგენტოს საგრანტო კონკურსის „ახალგაზრდული მრჩეველთა საბჭოების მხარდაჭერა“ ფარგლებში ხორციელდება.

 პროექტის ორგანიზატორია აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო.