ქართულ-აფხაზურ ურთიერთობებს ხშირად სწორედ ის ოჯახები ქმნიან, რომლებმაც წლების განმავლობაში ცოცხალი, უწყვეტი კავშირი შეინარჩუნეს. ერთ-ერთი ასეთი ისტორია ქალბატონ ადა კაცია-ქუთელიას ეკუთვნის.

მეუღლის, ზაურ ქუთელიას გარდაცვალების შემდეგ, ის უკვე 40 წელია მარტო აგრძელებს ოჯახურ ტრადიციებს, დღეს კი მთელ თავის ენერგიას საზოგადოებრივ საქმიანობას ახმარს. ქალბატონი ადა ხელმძღვანელობს პროექტს „ქართულ-აფხაზური საგა“, რომელიც 15 წელზე მეტია, სახალხო დიპლომატიის გზით, აჭარაში მცხოვრებ აფხაზებს აერთიანებს.

ეს გზა ოჯახში თაობების ტრადიციად იქცა.  მათი სამი ქალიშვილიდან ორმა თავადაც შერეული, ქართულ-აფხაზური ოჯახი შექმნა. ეს მყარი კავშირი კიდევ ერთხელ გვახსენებს: საერთო ფესვებსა და პატივისცემაზე დაფუძნებული თანაცხოვრება  ჩვენი ყველაზე ბუნებრივი მოცემულობაა.