კონკურსის „ჩემი თვალით დანახული აფხაზეთი“ გამარჯვებულები გამოვლინდნენ.

წარდგენილი 300-მდე ნამუშევრიდან ჟიურიმ 10 საუკეთესო ნამუშევარი გამოავლინა, მათ შორის გამარჯვებული სამეული და სპეციალური ნომინაციების მფლობელები. მათ სიგელები და სიმბოლური საჩუქრები გადაეცათ.

მნიშვნელოვანია, რომ მასწავლებელთა პროფესიული განვითარების ეროვნულმა ცენტრმა , საკონკურსო ნახატებიდან შეარჩია ორი ნამუშევარი, რომლებიც ქართული ენის შემსწავლელ სახელმძღვანელოში განთავსდება. სახელმძღვანელო არაფორმალური განათლების პროგრამის ფარგლებშია შექმნილი და იგი ემიგრანტი მოზარდებისთვის არის განკუთვნილი. 

კონკურსის მიზანი ახალგაზრდებში აფხაზეთის თემატიკისადმი ინტერესის გაღრმავება, ისტორიულ-კულტურული მეხსიერების შენარჩუნება და შემოქმედებითი ხედვის ხელშეწყობა იყო.