აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო ახალგაზრდებისთვის ვიდეოკონტენტის კონკურსს „სამშვიდობო გზავნილები“ ატარებს.

კონკურსში ჩართვა შეუძლიათ 18-30 წლის ახალგაზრდებს, რომლებიც არიან აფხაზეთიდან დევნილები ან აფხაზეთის საკითხებით ინტერესდებიან.

მონაწილეებმა უნდა მოამზადონ 30-60 წამიანი ვიდეორგოლი აფხაზეთის თემაზე და ნამუშევარი 2026 წლის 13 მაისის ჩათვლით გააგზავნონ ელექტრონულ მისამართზე: projects.justiceabkhazia@gmail.com.

საკონკურსო წერილში მითითებული უნდა იყოს კონკურსის სახელწოდება, მონაწილის სახელი და გვარი, ასაკი, ვიდეოს მოკლე აღწერა და საჭიროების შემთხვევაში, დევნილის სტატუსის დამადასტურებელი დოკუმენტი.

გამარჯვებულებს გადაეცემათ თემატური საჩუქრები და სერტიფიკატები.

პროექტის მიზანია ახალგაზრდების ჩართულობის გაზრდა სამშვიდობო ინიციატივებში, საერთო ღირებულებების პოპულარიზაცია და კონფლიქტის მშვიდობიანი მოგვარების მხარდაჭერა.