თენგიზ გიორგაძე, რუსთაველის ეროვნული თეატრის მსახიობი და ყველასათვის საყვარელი ფილმის „ჩიორა“ ერთ-ერთი მთავარი გმირი ნიკა, ჩვენი რუბრიკის სტუმარია.

„ჩიორა“ ერთ-ერთი ბოლო ფილმია, რომელიც აფხაზეთში ომამდე გადაიღეს. ეს არის სევდითა და სითბოთი გაჟღენთილი ისტორია სიყვარულზე, მეგობრობაზე, ახალგაზრდულ შეცდომებსა და თავგანწირვაზე. აფხაზეთზე საუბრისას მსახიობი ემოციებს ვერ მალავს და განსაკუთრებული სითბოთი იხსენებს როგორც გადაღების პროცესს, ისე სოხუმში გატარებულ დღეებს.

მისივე თქმით, აფხაზეთთან მას არა მხოლოდ ფილმი, არამედ ღრმა ადამიანური კავშირებიც აკავშირებს. დღემდე ინარჩუნებს ურთიერთობას როგორც აფხაზეთში მცხოვრებ ქართველებთან, ისე აფხაზ მეგობრებთან და სჯერა, რომ სიყვარულითა და პატიებით შესაძლებელია ურთიერთობების აღდგენა.