აფხაზეთის საინფორმაციო-ანალიტიკური ცენტრი აცხადებს ალექსანდრე ბერულავას სახელობის ჟურნალისტურ პრემიაზე განაცხადების მიღების დაწყებას.

საკონკურსო კომისიამ უკვე გამართა პირველი სამუშაო შეხვედრა, სადაც განიხილეს კონკურსის დებულება, მონაწილეობის წესები და ნამუშევრების შეფასების კრიტერიუმები.

პროფესიონალი და გამოცდილი წევრებისგან დაკომპლექტებულ კომისიას ჟურნალისტი გულიადაა ჭკადუა ხელმძღვანელობს.

შეხვედრაზე ცენტრის დირექტორმა, ეკა წივწივაძემ, კომისიის წევრებს მიმდინარე სიახლეები გააცნო და ხარისხიანი, მაღალი პროფესიული და ეთიკური სტანდარტების მქონე ნამუშევრების წახალისების მიზნით, პრემიის ოდენობის გაზრდის ინიციატივა წარადგინა.

აღსანიშნავია, რომ აღნიშნული კონკურსი წელს მესამედ ტარდება და გამარჯვებულები ოთხ ნომინაციაში გამოვლინდებიან.