აფხაზეთის ავტონომიური რესპუბლიკის მთავრობის ბიუჯეტი 2026 წლისთვის 30%-ით გაიზარდა, რაც პირდაპირ აისახა პრიორიტეტული მიმართულებების გაძლიერებაზე, განსაკუთრებით კი ჯანდაცვის სფეროზე.

მთავრობის თავმჯდომარის, გიორგი ჯინჭარაძის განცხადებით, ადმინისტრაციული ხარჯების ოპტიმიზაციამ და გაზრდილმა ბიუჯეტმა პროგრამული დაფინანსების უპრეცედენტო ზრდა უზრუნველყო.

2026 წლის პირველ კვარტალში ჯანდაცვის მიმართულებით დაფინანსებამ 1 282 939 ლარი შეადგინა, ხოლო ბენეფიციართა რაოდენობამ 2 922-ს მიაღწია. აღნიშნული მაჩვენებლები მნიშვნელოვნად აღემატება წინა წლის ანალოგიურ პერიოდს.

ბიუჯეტის ზრდა უკვე რეალურად აისახება მოქალაქეებისთვის ხელმისაწვდომი სერვისების გაფართოებასა და გაუმჯობესებაზე.