ოკუპირებულ აფხაზეთის ტერიტორიაზე არქეოლოგიური სამუშაოები გრძელდება, თუმცა პროცესი სრულად დახურულ გარემოში მიმდინარეობს და გამჭვირვალობას მოკლებულია. არ არსებობს საჯარო ინფორმაცია იმის შესახებ, თუ რა ტიპის აღმოჩენები კეთდება, ვინ მუშაობს ამ მასალაზე და სად ხვდება საბოლოოდ აღმოჩენილი არტეფაქტები.

არსებული ვითარება აჩენს მნიშვნელოვან კითხვებს - არის თუ არა დაცული კულტურული მემკვიდრეობა და როგორ ხდება მისი კვლევა?! სპეციალისტები არ გამორიცხავენ, რომ აღმოჩენილი მასალები შესაძლოა ტოვებდეს ტერიტორიას, ხვდებოდეს კერძო კოლექციებში ან გამოიყენებოდეს ისტორიული ნარატივების ფორმირებისთვის.

ამ პირობებში განსაკუთრებით იზრდება ისტორიის არასწორი ინტერპრეტაციისა და ფალსიფიცირების რისკი, რაც არა მხოლოდ აკადემიურ, არამედ საზოგადოებრივ მნიშვნელობასაც ატარებს.

თემაზე ვრცლად გადაცემაში ,,სოხუმი- თბილისი” დავით ლომიტაშვილი საუბრობს.