აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო აცხადებს ნახატების კონკურსს – „ჩემი თვალით დანახული აფხაზეთი“.

კონკურსის მიზანია ახალგაზრდებში აფხაზეთის შესახებ ცნობიერების ამაღლება და მათი შემოქმედებითი უნარების წახალისება.

კონკურსში მონაწილეობის მიღება შეუძლიათ როგორც საქართველოში, ისე ქვეყნის ფარგლებს გარეთ მცხოვრებ აფხაზეთიდან დევნილ, ან/და აფხაზეთის თემატიკით დაინტერესებულ 10-17 წლის მოზარდებს.

საკონკურსო ნამუშევარი უნდა იყოს ორიგინალი და შექმნილი სპეციალურად აღნიშნული კონკურსისთვის. პლაგიატის დაფიქსირების შემთხვევაში ნამუშევარი კონკურსში არ განიხილება.

განაცხადების მიღების ბოლო ვადაა 2026 წლის 5 მაისი.

დამატებითი ინფორმაცია და სარეგისტრაციო ბმული ხელმისაწვდომია აფხაზეთის ა/რ იუსტიციისა და სამოქალაქო ინტეგრაციის სამინისტროს ოფიციალურ Facebook გვერდსა და ვებგვერდზე: https://portal.abkhazia.gov.ge/