აფხაზეთის საინფორმაციო-ანალიტიკური ცენტრი

27 თებერვალი, 2026

თხილის შესაწამლი ტექნიკის თანადაფინანსება გრძელდება

აფხაზეთის ავტონომიური რესპუბლიკის ფინანსთა და ეკონომიკის სამინისტრო დევნილი ფერმერების ხელშეწყობას აგრძელებს.

თხილის წარმოებაში ჩართულ აფხაზეთიდან იძულებით გადაადგილებულ პირებს შესაძლებლობა ეძლევათ, თხილის შესაწამლი აპარატი თანადაფინანსებით შეიძინონ.

პროგრამა უზრუნველყოფს თხილის შესაწამლი აპარატების შეძენაზე თანადაფინანსებას - ტექნიკის ღირებულების 80%-მდე, ბაღის ზომის მიხედვით.

სამინისტროს თანადაფინანსების მოცულობა ერთ ბენეფიციარზე შემდეგნაირად განისაზღვრება:

• 0.2–დან 0.5-მდე ჰექტრამდე ბაღისთვის განსაზღვრულია - 80%-მდე, არაუმეტეს 200 ლარი; • 0.5-დან 3 ჰექტრამდე ბაღისთვის კი - არაუმეტეს 1100 ლარი.