არსებობენ ადამიანები, რომელთა პირადი ბიოგრაფია ჩვენი ქვეყნის უახლესი წარსულის უმნიშვნელოვანეს ეპიზოდებს აერთიანებს.

გენერალი ანზორ მარგიანი სწორედ მათ რიცხვს მიეკუთვნება. ადამიანი, რომელიც საქართველოსთვის ურთულეს პერიოდში სახელმწიფოსა და საზოგადოების უსაფრთხოების სადარაჯოზე იდგა.

აფხაზეთში შეიარაღებული კონფლიქტის მონაწილე გენერალი დღესაც აქტიურად აგრძელებს ქვეყნის სამსახურს აფხაზეთის ა/რ მთავრობის თავმჯდომარის მოადგილის პოზიციაზე. თუმცა, მისი საქმიანობა მხოლოდ ოფიციალური სტატუსით არ შემოიფარგლება. მას არასოდეს შეუწყვეტია თანამბრძოლებზე ზრუნვა და პარალელურად აფხაზეთის მეომართა კავშირსაც ხელმძღვანელობს.

გადაცემაში „ერთი გმირის ისტორია“ გენერალი ანზორ მარგიანი ჩვენთვის აქამდე უცნობ და მძიმე ისტორიებს იხსენებს, რომლებიც შეიარაღებული კონფლიქტის რეალურ სახესა და იმ პერიოდის ტრაგიკულ სინამდვილეს აცოცხლებს.

ეს არის გულწრფელი დიალოგი, სადაც საბრძოლო მოგონებები მტკივნეულ პირად ისტორიებს ერწყმის.