დევნილთა, ეკომიგრანტთა და საარსებო წყაროებით უზრუნველყოფის სააგენტოში მოქმედმა დევნილთა საკითხების შემსწავლელმა კომისიამ, არსებული საბინაო რესურსის გათვალისწინებით, განსაზღვრა თვალჭრელიძის ქუჩაზე საცხოვრებელ კორპუსებში, თუ რამდენქულიანი ოჯახები დაექვემდებარებიან მონიტორინგს.

გამოქვეყნებული ქულების მიხედვით, ცნობილი გახდა რომ ერთოთახიანი ბინების განაწილების მიზნით, მონიტორინგს დაექვემდებარებიან ის დევნილი ოჯახები, რომელთა განაცხადს მინიჭებული აქვს 4,5 და მეტი ქულა; ოროთახიანი ბინების მისაღებად საჭიროა 6 ან მეტი ქულა;  რაც შეეხება 7,5 ქულით მინიჭებულ განაცხადებს, ამ შემთხვევაში ოჯახები მიიღებენ სამ ოთახიან ბინას. ხოლო 4 ოთახიანი ბინები გადაეცემათ დევნილ ოჯახებს, რომელთა განაცხადსაც მინიჭებული აქვს 1 ან მეტი ქულა.

რაც შეეხება ოჯახებს,  რომელთა ქულაც  ამ მომენტისთვის არ აღმოჩნდა საკმარისი მონიტორინგისთვის, განსახლების მომდევნო ეტაპზე განიხილება.