აფხაზეთელი ირაკლი რუხაია ათონის მთაზე მამა ემილიანედ გარდაისახა

01 ოქტომბერი, 2025

დაიბადა აფხაზეთში, მაგრამ ომმა, ისევე, როგორც ათასობით აფხაზეთელს, მშობლიური სახლი მშობლებთან ერთად, მასაც დაატოვებინა. მას მერე გალელმა ირაკლი რუხაიამ ნავსაყუდელი ბევრგან ეძება.

საკუთარმა გულისთქმამ კი სახლი მარადიული სიმშვიდისა და უსასრულო ლოცვის გარემოში, ათონის მთაზე აპოვნინა.

რამდენიმეწლიანი მორჩილების შემდეგ, ქსენოფონტეს მონასტერში, ემილიანეს სახელით ბერად აღიკვეცა.

ბერად აღკვეცის რიტუალს აფხაზეთის საინფორმაციო-ანალიტიკური ცენტრის გადამღები ჯგუფი ექსკლუზიურად იღებდა.

დღეს მამა ემილიანეს მშვიდობისთვის, აფხაზეთისთვის და საქართველოს გაერთიანებისთვის აღვლენილი ლოცვები, ათონის წმინდა მთიდან უერთდება მლოცველთა საერთო ხმებს.

ნახეთ ვრცლად მამა ემილიანეს გზა მედიაპროექტში „პორტრეტები აფხაზეთიდან“.

უკან დაბრუნება