,,აფხაზეთი ჩემს მეხსიერებაში დაილექა როგორც სიზმრისეული საოცარი სამყარო, ბავშვობის ულამაზესი ზღაპარი", - ამბობს რეჟისორი გოგა თავაძე და ემოციურ მოგონებებს გვიზიარებს.

,,ინტერკულტურული სოხუმი, ლიძავის სანაპირო და მშვიდი ლურჯი ზღვა, ახალი ათონის სტალაქტიდები და სტალაგმიტები, აფხაზური ოჯახების ტრადიციები და წესჩვეულებები’’- ბავშვობის ეს ლაღი მოგონებები რეჟისორისთვის იმდენად შთამბეჭდავი აღმოჩნდა, რომ მოგვიანებით უკვე თბილისში სოხუმის თეატრალურ დასთან ერთად სცენაზე არაერთხელ გააცოცხლა.

ამბობს, რომ ომგამოვლილი სოხუმის თეატრალური დასი მისთვის განსაკუთრებულია და სიამოვნებით დადგამს სპექტაკლს სოხუმის სცენაზეც, რათა კვლავ შეიგრძნოს ბავშვობისდროინდელი ემოციები და მოეფეროს მონატრებულ აფხაზეთს.

ნახეთ რეჟისორ გოგა თავაძის სამშვიდობო გზავნილები მედია პროექტში "მიამბე აფხაზეთზე".