აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო იწყებს ახალ საგანმანათლებლო პროექტს – „სამართლის კვირეული“.

პროექტის მიზანია, აფხაზეთის ოკუპირებულ ტერიტორიაზე ლეგიტიმურად მცხოვრები და აფხაზეთიდან დევნილი I-დან IV-ე კურსის 25 სტუდენტისთვის სამართლის საკვანძო საკითხებზე ცნობიერების ამაღლება, თეორიული ცოდნისა და პრაქტიკული უნარ-ჩვევების განვითარება, პროფესიული წინსვლის შესაძლებლობების გაზრდა, საზოგადოებრივ ინტეგრაციაში აქტიური ჩართვა.

პროექტის თემებია: აფხაზეთის ა/რ მთავრობის უწყებების სერვისები, მეტყველების ხელოვნება და პრეზენტაციული უნარები, საქართველოს კონსტიტუციით გარანტირებული ადამიანის ძირითადი უფლებები და თავისუფლებები, ასევე სისხლის სამართლის იმიტირებული პროცესის მომზადება.

განაცხადების გაგზავნა შესაძლებელია 2 სექტემბრის ჩათვლით.

დამატებითი ინფორმაციისა და რეგისტრაციისთვის ეწვიეთ აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ფეისბუქ გვერდს ან დარეკეთ აფხაზეთის ავტონომიური რესპუბლიკის მთავორბის ცხელ ხაზზე - 143.