"წარმატებული ახალგაზრდების მხარდაჭერის პროგრამის" მესამე ეტაპი დაიწო, რომელსაც აფხაზეთის ავტონომიური რესპუბლიკის განათლებისა და კულტურის სამინისტრო ახორციელებს.

პროგრამის სამიზნე ჯგუფებს წარმოადგენენ განსაკუთრებული მიღწევებით, ნიჭიერებითა და წარმატებებით წარმოჩენილი ახალგაზრდები აფხაზეთის დროებით ოკუპირებული ტერიტორიიდან ავტორიზებული პროფესიული საგანმანათლებლო დაწესებულებების აკრედიტებული პროგრამების სტუდენტები, ავტორიზებული უმაღლესი საგანმანათლებლო დაწესებულებების აკრედიტებული პროგრამების სტუდენტები, ავტორიზებული სამედიცინო/სტომატოლოგიური დაწესებულებების რეზიდენტები.

სტუდენტებს შეუძლიათ საჭირო დოკუმენტაცია წარადგნინონ აფხაზეთის ავტონომიური რესპუბლიკის განათლებისა და კულტურის სამინისტროში, რომელიც თბილისში, დიმიტრი უზნაძის 68 ნომერში მდებარეობს.

განაცხადების მიღება 15 სექტემბრის ჩათვლით არის შესაძლებელი.

დამატებითი ინფორმაციისთვის დარეკეთ აფხაზეთის ავტონომიური რესპუბლიკის მთავრობის ცხელი ხაზის ნომერზე: 143.