„აფხაზეთიდან დევნილი ომისა და სამხედრო ძალების ვეტერანების მხარდაჭერის“ პროგრამა მიმდინარე წელსაც გრძელდება.

აფხაზეთის ა/რ იძულებით გადაადგილებულ პირთა სამინისტრო, სოციალურად მძიმე კატეგორიის აფხაზეთიდან დევნილ ომისა და სამხედრო ასევე თავდაცვის ძალების ვეტერანებზე ერთჯერად ფინანსურ დახმარებას უკვე რამდენიმე წელია გასცემს.

პროგრამა მოქმედებს, როგორც დედაქალაქში ასევე რეგიონში მცხოვრები ბენეფიციარებისთვისაც. ერთჯერადი ფინანსური დახმარების მისაღებად განცხადების დაწერა როგორც თავად ვეტერანს ასევე მის ნაცვლად ოჯახის წევრსაც შეუძლია.

განცხადება დევნილთა სამინისტროში ან რეგიონების მიხედვით სამინისტროს ტერიტორიულ ორგანიებში უნდა იყოს ჩაბარებული. რაც შეეხება საჭირო დოკუმენტაციას - ერთჯერადი ფინანსური დახმარების მისაღებად განცხადებას თან უნდა ერთვოდეს პირადობის და დევნილის დამადასტურებელი მოწმობის ასლი ასევე შესაბამისი კატეგორიის დამადასტურებელი დოკუმენტაცია.

დამატებითი ინფორმაციისთვის მიმართეთ სამინისტროს ან დაუკავშირდით აფხაზეთის ა/რ მთავრობის ცხელ ხაზს ნომერზე - 143.