საქართველოს პარლამენტის ოთხი მოწვევის და აფხაზეთის ა/რ უმაღლესი საბჭოს მოქმედ დეპუტატს, ადა მარშანიას, საზოგადოება იცნობს როგორც პრინციპულსა და აქტიურ პოლიტიკოსს.

აფხაზურ-ქართულ ტრადიციებზე გაზრდილი ქალბატონი ამჯერად საკუთარი ოჯახის მაგალითზე გვიზიარებს ისტორიას, რომელიც ამ ორი ხალხის ურთიერთობების ჭრილში იკითხება.

იხსენებს მამას, ცნობილ მეცნიერსა და საზოგადო მოღვაწეს, ლორიკ მარშანიას, რომლისთვისაც ქართულ-აფხაზური ურთიერთობები, ოჯახის სიმტკიცის, მორდუობისა თუ სხვა ტრადიციები უმნიშვნელოვანესი ღირებულებები იყო.

თავად აფხაზურ-ქართულ ოჯახში გაზრდილი ქალბატონი ადა ასევე ქართველის მეუღლეა.

ევგენი ქოჩლაძისა და ადა მარშანიას ოჯახში სიყვარული, ადათ-წესები და ურთიერთპატივისცემა მხოლოდ მშვიდობიანი თანაცხოვრება არ არის.

ეს ყოველდღიური ცხოვრების ბუნებრივი ნაწილი და ერთ-ერთი მაგალითია იმ ჰარმონიისა, რომელიც საუკუნეებს ითვლის.