აფხაზეთის ა/რ განათლებისა და კულტურის სამინისტროში დიმიტრი (არზაყან) ემუხვარის, ჟიული შარტავას და აკადემიკოს ილია ვეკუას სახელობის სტიპენდიების მოსაპოვებლად განაცხადების მიღება მიმდინარეობს!

სტიპენდიები განკუთვნილია, როგორც დევნილი ისე არადევნილი სტუდენტებისთვის, რომლებიც აფხაზეთის თემატიკაზე მუშაობენ.

აღნიშნული სახელობითი სტიპენდიების მიღება შეუძლიათ, როგორც ბაკალავრიატის ასევე მაგისტრატურის სტუდენტებს, რომელთაც აქვთ 80% და მეტი აკადემიური მოსწრება.

ნებისმიერი სახელობითი სტიპენდიის მოპოვების შემთხვევაში სტუდენტი ერთი სასწავლო წლის, 10 თვის განმავლობაში სამინისტროს მიერ 200 ლარით დაფინანსდება.

სტიპენდიის მისანიჭებლად სტუდენტის წარდგენის უფლება საქართველოს ავტორიზებულ უმაღლეს საგანმანათლებლო დაწესებულებებს აქვს. განცხადებების მიღება აფხაზეთის ა/რ განათლებისა და კულტურის სამინისტროში 1 ივლისიდან დაიწყო და 31 აგვისტოს ჩათვლით გაგრძელდება.

დეტალური ინფორმაცია ნახეთ სამინისტროს ოფიციალურ ფეისბუქ გვერდზე, მითითებულ ბმულზე ან დაუკავშირდით აფხაზეთის ა/რ მთავრობის ცხელ ხაზს 143 ი.