აკადემიკოს ილია ვეკუას სახელობის სტიპენდიის მოსაპოვებლად განაცხადებების მიღება აფხაზეთის ავტონომიური რესპუბლიკის განათლებისა და კულტურის სამინისტროში უკვე დაიწყო, რომელიც 31 აგვისტოს ჩათვლით გაგრძელდება.

სტიპენდია გათვალისწინებულია მათემატიკის, გამოყენებითი მათემატიკისა და კომპიუტერული მეცნიერებების მიმართულების ბაკალავრიატისა და მაგისტრატურის, მიღწევებითა და წარმატებებით წარმოჩენილი იმ სტუდენტებისათვის, რომლებსაც 80% და მეტი აკადემიური მოსწრება აქვთ, გამოქვეყნებული აქვთ სამეცნიერო ნაშრომი, მონაწილეობდნენ სამეცნიერო კონფერენციებში და არიან საზოგადოებრივად აქტიურები.

სტიპენდიის მისანიჭებლად სტუდენტის წარდგენის უფლება აქვს საქართველოს ავტორიზებულ უმაღლეს საგანმანათლებლო დაწესებულებებს.

დამატებითი ინფორმაცია შეგიძლიათ იხილოთ აფხაზეთის ავტონომიური რესპუბლიკის განათლებისა და კულტურის სამინისტროს ფეისბუქ გვერდზე ან დარეკეთ აფხაზეთის ავტონომიური რესპუბლიკის ცხელ ხაზზე 143.