,,სითბოს და სინათლის განცდა მეუფლება როცა აფხაზეთზე ვსაუბრობ, ეს იყო ჯადოსნური გარემო, სადაც განსაცვიფრებელ სილამაზეს გამორჩეული ადამიანური სითბო უმაგრებდა ზურგს’’ - ემოციურად გვიამბობს აფხაზეთზე ცნობილი მუსიკოსი, გადაცემა ,,ჩვენი შოუს’’ წამყვანი გია ბაღაშვილი.

გვიყვება ანსამბლ ,,ივერიის’’ გასტროლზე აფხაზეთში და მათ მიერ შესრულებულ აფხაზურ სიმღერაზე ,,აზამატი’’, რომელიც ქართულმა საესტრადო ანსამბლმა პირველად შეასრულა და აფხაზეთის საზოგადოებაში დიდი აღფრთოვანება მოყვა.

,,საერთო წარსულის და ტრადიციების ხალხი ვართ, ერთიან სივრცეში ჩვენ ქვეყანას მეტი პროგრესის მიღწევა შეგვიძლია.

აუცილებლად უნდა შევძლოთ საერთო ენის გამონახვა, კულტურა და ხელოვნება კი ის ძალაა, რომლითაც ჩვენ შეგვიძლია ხიდი გავდოთ’’- აღნიშნავს გია ბაღაშვილი.