STEM - განათლების სისტემაზე დაფუძნებული 3 თვიან უფასო პროგრამაზე რეგისტრაცია მიმდინარეობს.

მონაწილეობის მიღება 14-დან 18 წლამდე აფხაზეთიდან იძულებით გადაადგილებულ ახალგაზრდებს შეუძლიათ, რომლებიც თანამედროვე ტექნოლოგიებით, ინჟინერიით, მათემატიკით,მეცნიერებით არიან დაინტერესებული და სურვილი აქვთ გაეცნონ სფეროში არსებულ შესაძლებლობებს.

პროექტი საქართველოს ტექნიკურ უნივერსიტეტში აფხაზეთის ა/რ მომსახურების სააგენტოსა და STEM- ინოვატორთა ასოციაციის ერთობლივი ურთიერთანამშრომლობის ფარგლებში ხორციელდება.

STEM - განათლების სისტემაზე დაფუძნებული პროგრამაში მონაწილე ახალგაზრდების გადამზადება, შესაბამისი სპეციალისტების მიერ წინასწარ გაწერილი კურიკულუმის საფუძველზე მოხდება. განაცხადების მიღება აფხაზეთის ა/რ იძულებით გადაადგილებულ პირთა სამინისტროში 30 ივნისის ჩათვლით გაგრძელდება.