სალომე კაპანაძე - ადამიანი, რომელმაც გაუძლო მშობლიური გზის დაკარგვას და შემდეგ ეს გზა სიტყვებით დაიბრუნა.

მწერალი აფხაზეთიდან, ფილოლოგიის აკადემიური დოქტორი, ასოცირებული პროფესორი და ზღაპრებისა თუ ლიტერატურული წერილების არაერთი კრებულის ავტორი. 
თუმცა, სალომე კაპანაძე მხოლოდ აკადემიური ტიტულები არ არის. მოგონებებით სავსე პერსონაა, რომელსაც გული მუდამ სოხუმისკენ მიუწევს.
ქალაქისკენ, სადაც დრო გაჩერდა, ისეთი დარჩა, როგორიც ენატრება: ლაღი, მულტიკულტურული, თბილი ადამიანებით და ურთიერთპატივისცემით სავსე.

დევნილობამ მის ცხოვრებაში ახალი ფურცელი გადაშალა არა ტკივილის, არამედ „სხვა მწერლობის“.იმ მწერლობის, რომელიც ხიდებს აშენებს დაშორიშორებულ საზოგადოებებს შორის.

სწორედ ამიტომ, სალომე კაპანაძის ტექსტები და ზღაპრები ბავშვებისთვის მხოლოდ ზღაპრები არ არის.ისინი არის დაბრუნების მცდელობა.

გულით ნათქვამი სურვილი აფხაზეთი მომავალ თაობას ისეთი დაახვედროს, როგორსაც თავად იხსენებს და სიზმრებში ხვდება.

ნახეთ მედიაპროექტი "პორტრეტები აფხაზეთიდან"