"გაკვეთილი აფხაზეთი" აჭარის რეგიონის ორ საჯარო სკოლაში ჩატარდა

30 აპრილი, 2025

აფხაზეთის ა/რ საინფორმაციო-ანალიტიკური ცენტრის პროექტი "გაკვეთილი აფხაზეთი" ამჯერად აჭარის რეგიონის ორ სკოლაში ჩატარდა.
აფხაზეთის შესახებ მომზადებული ვიდეომასალა ბათუმის ილია ჭავჭავაძის სახელობის პირველ საჯარო სკოლასა და ხელვაჩაურის რაიონის სოფელ ფერიის საჯარო სკოლაში იქნა ნაჩვენები.
მოსწავლეებმა დიდი ინტერესით უყურეს მათთვის მომზადებულ მასალას. საგანმანათლებლო გაკვეთილი საქართველოს მასშტაბით 100 სკოლაში ჩატარდება
პროექტი აფხაზეთის ა/რ მთავრობის ინიციატივით ხორციელდება და მიზნად ისახავს ეროვნული თვითშეგნების გაღრმავებას, ისტორიული მეხსიერების შენარჩუნებასა და მომავალი თაობისთვის აფხაზეთის მნიშვნელობის გაცნობიერებას.

უკან დაბრუნება